As comisións de traballo da Confederación de Empresarios de Galicia (CEG) reuníronse coa conselleira de Medio Ambiente e Cambio Climático, Ángeles Vázquez, e entre outros asuntos repasaron, principalmente, o acordo de transferencia da xestión do litoral a Galicia, o seu estado de situación e os próximos pasos, ademais de recapitular as propostas do empresariado galego para a Lei de Administración Ambiental Simplificada.

A Confederación de Empresarios de Galicia inicia o 2025 organizando, no marco da Enterprise Europe Network, rede europea á que pertence como socia do consorcio Galactea Plus, un ciclo de cinco xornadas centradas na sostibilidade a desenvolver no primeiro semestre do ano. O obxectivo deste ciclo é informar, capacitar e fomentar prácticas sostibles que non só garantan o cumprimento normativo, senón que tamén reforcen a competitividade do tecido empresarial de Galicia.

Neste marco colaborativo encádrase o primeiro evento dos programados neste convenio, que terá lugar o 19 de decembro. "Como liderar o cambio nas organizacións", é o título da xornada de formación empresarial que se celebrará na sede da UIE, en Santiago de Compostela.

Sinalan que "é unha oportunidade única que permitirá adaptar a xestión ás particularidades da nosa contorna e garantir un equilibrio entre a protección ambiental e a promoción de actividades produtivas". Doutra banda, lembran que seguirán instando o Goberno central "a que estableza unha mesa de análise e negociación cos sectores e administracións afectadas, especialmente ante calquera iniciativa ou reforma lexislativa ou regulamentaria, como a do regulamento da Lei de Costas".

Juan Manuel Vieites incide en que "impulsar un estatuto do traballador transfronteirizo é determinante, para crear unha base sólida sobre a que harmonizar os dereitos e obrigacións derivados da mobilidade laboral e empresarial transfronteiriza".  

"A CEG, co seu liderado probado e respaldo interno, aspira a seguir sendo un actor que participe activamente na dinamización do crecemento económico en Galicia, trasladando as necesidades e demanda empresariais ante as administracións e ante a sociedade en xeral", explicou Juan Manuel Vieites.