O 25 de maio de 2023 entrou en vigor en España o Convenio 190 da OIT (C190) sobre acoso e violencia no traballo.
Esta normativa, xunto con outras recentes que afectan o noso país (como a Lei 15/2022 de igualdade de trato e non discriminación), leva aparellada a revisión (profunda) dos Protocolos fronte ao acoso (e afecta, por tanto, tamén aos Plans de Igualdade).
Esta norma internacional proporciona un marco común na prevención e eliminación do acoso e a violencia no ámbito laboral (incluíndo tanto o acoso como a violencia por razón de xénero).
Obxectivo explícito deste convenio: a erradicación da violencia e o acoso no “mundo do traballo” (un termo amplo que abarca situacións e colectivos que van máis aló da relación contractual).
Aínda que, previsiblemente, no noso país se produza un desenvolvemento regulamentario (ou cambio normativo) para adecuar o marco laboral ao contido do Convenio 190, xa se poden sinalar cuestións importantes que deberán ter en conta as nosas organizacións coa entrada en vigor do convenio.
