A fiscalización é unha das cuestións que máis condicionan as decisións empresariais e as decisións dos traballadores á hora de prestar servizos, circular ou establecerse por outro Estado. Antes de adoptar calquera iniciativa e facer unha estimación xusta da súa rendibilidade, é necesario coñecer as implicacións fiscais desta. España e Portugal, son dous estados veciños que, ademais de pertencer á Unión Europea, teñen un acordo bilateral para evitar a dobre imposición. Non obstante, é necesario coñecer e aplicar o sistema xurídico interno de ambos os países para adoptar as mellores decisións e evitar situacións ou custos imprevistos. O seminario proposto abordará desde a perspectiva da normativa española e portuguesa as implicacións da mobilidade tanto de empresas como profesionais e traballadores, xa sexa con establecemento ou residencia permanente do outro lado da liña ou coa mera prestación de servizos transfronteirizo.
18 de outubro de 2019
De 09.15 a 14.00 horas
Sede da CEG (Rúa do Vilar, 54, Santiago de Compostela)
Servicio de Información Comunitaria e Innovación (SICI):
Tel.: 981.555.888
Email: euroinfo@ceg.es
Para cumprir co obxectivo do seminario contarase coa intervención de tres xuristas especializados en fiscalización española e portuguesa, e todos eles expertos en fiscalización internacional, que presentarán as implicacións que desde o seu respectivo estado de orixe ten para traballadores e empresarios a actividade de operadores galegos en Portugal.
