A Confederación de Empresarios de Galicia como membro da Enterprise Europe Network colabora na organización do encontro empresaria B2B@iTechStyle Summit 2022, que se desenvolverá no marco da International Conference on Textils and Clothing iTechStyle Summit 2022, organizado pola Associação Empresarial de Portugal en colaboración co Clúster Téxtil de Portugal CITEVE.
O evento B2B@iTechStyle ten como obxectivo promover a celebración de reunións de negocios entre os distintos actores do sector téxtil de toda Europa.
As reunións empresariais B2B terán lugar o día 26 de maio e organízanse en formato híbrido, polo que as empresas poden manter as reunións en liña ou presenciais.
Por que participar?
As empresas participantes terán a oportunidade de reunirse bilateralmente en reunións preestablecidas de 30 minutos para:
- Explorar oportunidades de negocio e/ou entrar en novos mercados.
- Obter máis información sobre o mercado da moda tanto en Portugal como no estranxeiro.
- Identificar socios potenciais para proxectos de I+D e transferencia de tecnoloxía.
- Intercambiar mellores prácticas e coñecementos sobre prácticas, materiais e estratexias innovadoras.
Para quen?
Para todos os actores da industria da moda, o deseño e os téxtiles que desexen explorar, aprender, compartir e establecer contactos con innovadores da industria, provedores de tecnoloxía, investigadores, grupos e outros actores do sector téxtil e da confección de toda Europa.
Como participar?
- É necesario Rexistrarse na plataforma B2B iTechstyle Summit 2022 (é gratuíto)
- Publicar un perfil con información sobre a súa empresa e a súa intención de colaboración
- Explorar a lista de participantes e solicitar reunións coas empresas de interese
Asistencia e información ás empresas:
Ana Vázquez e Laura Otero
Tel. 981555888
Email: Avazquez@ceg.es
Para máis información sobre a International Conference on Textils and Clothing consulte neste enlace
Rexistro antes do 26 de Maio de 2022
