A Confederación de Empresarios de Galicia (CEG) apoia a candidatura de *Ángela de Miguel para presidir CEPYME. Sinalan que "a unidade e o consenso son a pedra angular do éxito do noso sistema de organizacións empresariais".
A presidenta da Confederación Valisoletana de Empresarios, Ángela de Miguel, avoga por preservar ao máximo a unidade empresarial, cuestión que desde a CEG, -sinalan-, "consideramos capital para abordar os retos que as nosas empresas teñen diante".
Unha vez que os órganos de goberno de CEPYME convocaron eleccións, desde a CEG apoian a presentación da candidatura de Ángela de Miguel á presidencia da devandita entidade, anunciada hai xa uns días.
Juan Manuel Vieites di de Ángela de Miguel "é unha persoa cunha indubidable capacidade, que combinou a prestación de servizos ás empresas co desenvolvemento do seu propio negocio e cun indubitado compromiso coas organizacións, como así o abala a súa experiencia". Lembra que é presidenta da Confederación Valisoletana de Empresarios desde 2014, vicepresidenta e portavoz de CEOE Castela e León desde 2018 e membro da Xunta Directiva de CEOE desde fai máis de dez anos. "En definitiva, unha gran coñecedora da realidade empresarial e das necesidades do noso tecido produtivo".
O presidente da CEG engade que "a súa aposta pola unidade e o consenso, é a pedra angular do éxito do noso sistema de organizacións empresariais, que foi e é modelo en Europa. Por iso non podemos perdelo. No contexto político e económico actual non podemos permitirnos fisuras. Temos que traballar xuntos e con determinación por unha contorna que permita ás nosas empresas competir e desenvolverse".
