Na segunda semana de maio, os gobernos de Portugal e España retomaron a celebración dos cumios bilaterais entre ambos países. A última vez que os seus principais mandatarios se reuniron para tratar os temas de interese común foi en xaneiro de 2009. De forma paralela a esta iniciativa, que tivo lugar en Porto, as organizacións empresariais máis significativas de ambos países convocaron dúas xornadas de traballo.
A elas asistiu a Confederación de Empresarios de Galicia, en representación dos empresarios galegos.
O Boletín refírese a estas congregacións, ademais de aludir á nova normativa da Comisión Europea que busca conciliar a libre circulación de traballadores e a prestación de servizos transnacionais e de incluír o habitual panorama sobre o mercado laboral na Eurorrexión.
