Boletín Eures-T Norte Portugal-Galicia Nº 2

A Eurorrexión Norte de Portugal Galicia avanza con paso firme na súa consolidación. Así, nos últimos meses rexistráronse determinados acontecementos e adoptáronse unha serie de medidas que contribúen a afianzar ese esforzo común de vertebrar unha rexión que exceda á fenda da división transfronteiriza.

Entre os feitos máis destacados e dos que se dá cumprida conta no interior do Boletín, pódese destacar a opción dunha nova estrutura xurídica no campo da cooperación territorial transfronteiriza: a Agrupación Europea de Cooperación Territorial (AECT), unha ferramenta que facilitará coa súa implantación a cohesión económica e social.