En 2023 cómprense 75 anos da Declaración Universal dos Dereitos Humanos (DUDH). Tal e como figura na páxina da ONU, un dos compromisos mundiais máis revolucionarios, proclamada o 10 de decembro de 1948 en París pola Asemblea Xeral das Nacións Unidas, para proporcionar un entendemento común e universal do que son os dereitos para calquera persoa.
Elaborada por representantes de todas as rexións do mundo, con diferentes antecedentes xurídicos e culturais, como un ideal común para todos os pobos e nacións, esta declaración xorde da gran perda de vidas humanas e atrocidades cometidas na II Guerra Mundial, con ánimo de servir de base para a consecución dun mundo construído sobre a paz, a xustiza e a liberdade.
Os 30 artigos da DHDH inclúen os dereitos básicos que toda persoa debe gozar para ter unha vida digna, e inclúen dereitos civís e políticos e dereitos económicos sociais e culturais; de forma simplificada poderían quedar así:
1. Todas as persoas nacemos libres e iguais
2. Non discriminación
3. O dereito á vida
4. Ningunha escravitude
5. Ningunha tortura
6. Tes dereitos sen importar onde vaias
7. Todos e todas somos iguais ante a Lei
8. A lei protexe os teus dereitos humanos
9. Ningunha detención inxusta
10. O dereito a un xuízo
11. Somos sempre inocentes ata que se probe o contrario
12. O dereito á intimidade
13. Liberdade de movemento
14. Dereito de buscar un lugar seguro onde vivir
15. O dereito a unha nacionalidade
16. Dereito ao matrimonio e a fundar unha familia
17. O dereito ás túas propias posesións
18. Liberdade de pensamento
19. Liberdade de expresión
20. O dereito para reunirse en público
21. O dereito á democracia
22. Dereito a seguridade social
23. Os dereitos das persoas traballadoras
24. O dereito para xogar, descansar e relaxarse
25. Comida e aloxamento para todos e todas
26. O dereito á educación
27. Dereitos de autoría (artística, literaria, ciencia…)
28. Un mundo xusto e libre
29. Responsabilidade cara aos/as demais
30. Ninguén pode arrebatarche os teus dereitos humanos
Porque as solucións ás crises actuais teñen a súa orixe nos dereitos humanos… Lembremos:
É indispensable que os gobernos, as organizacións internacionais, as empresas e a sociedade civil traballemos de forma conxunta para asegurar que estes dereitos son respectados e protexidos en todo o mundo.
Progreso non é sinónimo de que a loita polos dereitos e a igualdade finalizase (nin finalice nunca).
A promoción e protección dos dereitos humanos é esencial para garantir a dignidade e o benestar de todas as persoas.
Feliz 10 de decembro!
Descarga e le o artigo completo.
