En colaboración con COINTEGA, a CEG organiza un obradoiro práctico como parte do proxecto BID4Tenders, especialmente pensado para o sector téxtil de Galicia.
Interésache descubrir como a contratación pública pode abrir novas oportunidades para o teu negocio, optimizando ao máximo os teus recursos?
Durante a sesión, proporcionarémosche unha visión xeral da normativa actual e dos conceptos xurídicos esenciais, ademais de guiarte nos pasos e documentos necesarios para participar en licitacións públicas.
Exploraremos estratexias para atopar licitacións adecuadas ao teu sector e como realizar unha análise de viabilidade antes de participar. Tamén che ensinaremos a utilizar plataformas dixitais clave para seguir e aproveitar oportunidades de licitación.
A asistencia é gratuíta, pero é necesaria a inscrición.
Agardamos contar coa túa presenza para que poidas mellorar os teus coñecementos e habilidades na contratación pública.
Vernes, 25 de outubro de 2024
11:30 a 14:00 horas
Sede da Confederación Empresarial de Pontevedra (CEP)
Rúa de García Barbón, 104 - 36201 Vigo
Modalidade: Mixta
En caso de querer asistir de forma telemática (vía Teams), por favor, indíqueo no campo "Asunto" do formulario de inscrición.
