CEG

 

Consulta pública protección intelectual DPII en terceiros países

Consulta pública DPII

Convidamos a participar na consulta pública que a DG de Comercio da Comisión Europea puxo en marcha sobre o estado da protección da propiedade industrial/intelectual (DPII) en terceiros países, no que a Confederación de Empresarios de Galicia colabora para a súa difusión.

 

No marco da Estratexia da Unión Europea para mellorar a protección e a garantía de respecto dos dereitos de propiedade intelectual en terceiros países, a Comisión Europea (DG Comercio) lanzou unha consulta pública para recompilar información sobre o estado da protección da propiedade industrial/intelectual (DPII) nos devanditos países. O obxectivo é identificar os terceiros países nos que o estado da protección e observancia dos DPII xera o maior nivel de preocupación, actualizándose a lista dos denominados "países prioritarios" e na consulta pódense sinalar experiencias negativas respecto a disposicións legais, mecanismos administrativos (oficinas de PI, aduanas, poder xudicial, policía), cooperación en materia de falsificación... facer suxerencias.

 

É unha consulta pública de carácter bianual que finaliza o 12 de agosto de 2022. É moi breve e pódese realizar en calquera idioma e de forma anónima.

 

Como resultado desta consulta poderanse mellorar os sistemas de dereitos de Propiedade Intelectual/Industrial nos devanditos países, centrando esforzos e recursos por parte da Comisión Europea. Ademais, os titulares de dereitos poderán coñecer os riscos potenciais en actividades comerciais e industriais nos devanditos países prioritarios, e deseñar estratexias comerciais que protexan as súas DPII.

 

Ligazón á Consulta: State of intellectual property in third countries (europa.eu)

 

Data

Ata o 12 de agosto de 2022

Organiza
DG de Comercio de la Comisión Europea
Colabora
Confederación de Empresarios de Galicia
TwitterFacebook

Usamos cookies no noso sitio web para soportar características técnicas que melloran a súa experiencia de usuario.

Tamén usamos servizos de análise e estatísticas.