En xaneiro de 2016, cumpríronse trinta anos anos da Adhesión de España e Portugal á Unión Europea.
A fronteira de Galicia e Norte de Portugal non é obviamente a mesma que hai trinta anos. Os cidadáns e empresas que cruzan o río Miño de Tui a Valença ou que se desprazan de Chaves a Verín, poden facelo por vías de alta capacidade e sen deterse. Poden traballar, estudar ou sinxelamente desfrutar da riqueza cultural ou natural doutro país, dunha forma tan natural, que moitas veces fai obviar o complexo proceso de integración que hai detrás. Ese acervo, que ao longo de tres décadas España e Portugal foron adquirindo e cultivando no seo da UE, debe ser valorado na súa xusta medida, sen prexuizo do camiño que aínda queda por recorrer xuntos.
Así se plasma neste Boletín.
