Desenvolveuse o primeiro obradoiro de cooperación transfronteiriza España-Portugal de promoción da Dieta Atlántica, no marco do proxecto DIETAT, encabezado pola Xunta de Galicia, a través da Axencia Galega da Calidade Alimentaria (AGACAL) e integrado por un partenariado de sete entidades de Galicia e norte de Portugal.
O taller busca dar promoción ao concepto da Dieta Atlántica e serviu para reunir a un grupo de entidades expertas na materia para definir estratexias de traballo a longo prazo no marco do Observatorio da Dieta Atlántica. A xornada abordou a análise de distintas oportunidades de financiamento europeo para impulsar as accións derivadas do Observatorio da Dieta Atlántica. Ademais, realizouse unha análise das distintas oportunidades de financiamento europeo para impulsar as accións derivadas deste posible observatorio.
Esta iniciativa, que busca promover a Dieta Atlántica e os seus beneficios para a saúde e o desenvolvemento económico sustentable no euro rexión Galicia-Norte de Portugal para fomentar a creación de novos mercados e oportunidades de acceso ao emprego, traballa na creación dun Observatorio da Dieta Atlántica. Ademais, tamén contempla o establecemento dun selo de calidade no que estean incluídos os seus produtos, así como a promoción de hábitos saudables ou o turismo gastronómico e cultural.
DIETAT (Observatorio da Dieta Atlántica I+D+I: impulso de hábitos de vida saudables e o desenvolvemento da bioeconomía transfronteiriza; mellora inclusiva de territorios rurais) é un proxecto presentado na 4ª convocatoria do Programa de Cooperación Transfronteiriza Interreg VIN-A España-Portugal 2021-2027 (POCTEP) que está agora en fase de avaliación por parte do programa. A proposta de proxecto ten como obxectivo promover a Dieta Atlántica e os seus beneficios para a saúde e o desenvolvemento económico sustentable na eurorrexión Galicia-Norte de Portugal, en liña coa creación de novos mercados e oportunidades de acceso ao emprego.
Para iso, DIETAT aborda diversas liñas de acción, como a creación do Observatorio da Dieta Atlántica I+D+I, o establecemento dun selo de calidade para os produtos que a integran e a promoción de hábitos saudables, o turismo gastronómico e cultural.
O proxecto DIETAT está liderado pola Axencia Galega da Calidade Alimentaria (AGACAL), e participan como beneficiarios a Universidade de Santiago de Compostela (USC), a Fundación Finnova e a Confederación de Empresarios de Galicia (CEG) pola parte española, e a Comunidade Intermunicipal de Alto Minho, Associação Empresarial de Portugal (AEP), Instituto Politécnico de Viana do Castelo (IPVC) e a Universidade de Tras-os-Montes por Portugal.
Ademais, colaboran como socios sen financiamento a Axencia de Turismo de Galicia, a Fundación Instituto de Investigación Sanitaria de Santiago de Compostela (IDIS), a Universidade de Vigo, a Fundación Dieta Atlántica, a Dirección Xeral de Pesca, Acuicultura e Innovación Tecnolóxica da Xunta de Galicia e o Servizo Galego de Saúde (SERGAS).
