Se queremos unha organización igualitaria, hai que comezar polo ingreso das persoas traballadoras. Tanto se é a propia empresa a que aborda os procesos de recrutamento, como se o deixa en mans de persoas expertas externas, debe asegurarse de que o proceso estará libre de prexuízos sexistas para poder garantir a igualdade de oportunidades e non discriminación para todas as persoas candidatas.
Como se pode acadar que os procesos sexan o mais neutros posible, para atraer e reter o mellor talento dispoñible?
Deixamos aquí algunhas directrices:
Garantindo accións formativas dirixidas ao equipo (preferiblemente mixto) de selección interno ou externo, en técnicas de selección non discriminatorias.
Tendo unha definición neutra dos postos de traballo (con requisitos e tarefas).
Avaliando ás persoas que concorran aos procesos de selección en base aos requisitos do posto de traballo con obxectividade, transparencia e igualdade de oportunidades.
Facendo unha análise cega dos currículos vitae.
Baseando a selección no mérito e as competencias para o desempeño do posto de traballo e non no sexo, idade ou outras circunstancias persoais ou familiares.
Usando parámetros e indicadores obxectivos para medir a adecuación das persoas candidatas ao posto de traballo
Analizando os resultados das distintas candidaturas (homes/mulleres) en todas as fases do proceso. Se aparecen indicios de discriminación indirecta, poñer en marcha medidas de acción positiva.
Tendo especial coidado no uso dunha linguaxe e imaxes non sexistas, nin estereotipadas.
Proxectando cara o exterior a importancia que se lle da na organización á igualdade de trato e oportunidades no ámbito laboral, para conseguir que o xénero subrepresentado na empresa, departamento ou posto de traballo, se presente a futuras convocatorias.
Precisas axuda ou asesoramento?
Contacta con noso Gabinete:
[email protected]
981 555 888
