A Confederación de Empresarios de Galicia a través do Servizo de Formación, Orientación e Emprego (SERFOE) presta apoio e asesoramento ás persoas demandantes de emprego e que buscan a mellora das súas empregabilidade e ás empresas nos seus procesos de recrutamento, selección e contratación de persoal.
A CEG é centro colaborador do Servizo Público de Emprego de Galicia (SPEG) e ofrece axuda personalizada e individualizada no ámbito laboral, asesorando en materia de emprego tanto a persoas que busquen unha ocupación laboral como ás empresas que precisen apoio e asesoramento.
Con este servizo preténdese tamén impulsar o autoemprego co apoio a proxectos emprendedores a través do asesoramento individualizado.