A Confederación de Empresarios de Galicia colabora na organización do evento empresarial online HORECA, GASTROFOOD, ENOEXPO 2023 - BROKERAGE EVENT, organizado pola Enterprise Europe Network de Cracovia, Polonia, no marco da 30ª Feira Internacional de Equipamento para Hoteis e Catering HORECA® especializada no sector da restauración e a hostalería, xunto coa 20ª Feira Internacional do Viño ENOEXPO®.
O evento HORECA, GASTROFOOD, ENOEXPO 2023 ten como obxectivo promover a celebración de reunións de negocios entre os distintos actores do sector, entre eles:
- Produción de alimentos e bebidas: tradicionais, orgánicas, "free from", etc.; produtos conxelados, xeados; produtos lácteos; cereais, produtos a base de fariña; alimentos enfornados; froitas e verduras (frescas, deshidratadas, en conserva); doces e pastelería; refrescos, café, té, ...
- Turismo gastronómico e enolóxico; Importadores e distribuidores de viño; especialistas en compra de viño; tendas especializadas en viños; produtores de viño;
- Equipamento para hoteis, restaurantes, cafetarías; pastelerías, panaderías, hoteis, etc.; produtos e compoñentes para o sector HORECA;
- Hotellerie: servizos para hoteis e instalacións de aloxamento, enxeñería e arquitectura, deseño; márketing, comunicación e consultaría; solucións de embalaxe; máquinas expendedoras; mobles e deseño de interior e exterior; Vaixela, cubertos, mantelearía, pratería, porcelana, pratos, vasos, complementos, etc.;
- Sistemas e software informático para hoteis e servicios de restauración; equipamentos audiovisuais e telecomunicacións;
As reunións empresariais B2B terán lugar en formato virtual do 8 ao 22 de novembro de 2023.
A posibilidade de rexistro estará aberta ata o 6 de novembro e antes do encontro cada empresa recibirá a súa axenda de reunións.
¿Por que participar?
- As empresas participantes terán a oportunidade de reunirse bilateralmente en reunións preestablecidas de 30 minutos para:
- Explorar oportunidades de negocio e/ou entrar en novos mercados.
- Identificar socios potenciais para proxectos de I+D e transferencia de tecnoloxía. Intercambiar mellores prácticas e coñecementos sobre prácticas, materiais e estratexias innovadoras.
¿Como participar?
1. Cómpre rexistrarse na plataforma https://horeca-gastrofood-enoexpo-2023.b2match.io/ A participación é gratuíta.
2. Publicar un perfil con información sobre a súa empresa e a súa intención de colaboración. 3. Explora-la lista de participantes e solicitar reunións coas empresas de interese
Desde a CEG facilitaremos todo o apoio posible para a participación, tanto para a revisión dos perfís, recomendación de reunións en función do interese de cada empresa, envío das axendas ou calquera outra consulta que se poida formular.
