O servizo de consultas e asesoramento que ofrece o departamento de Asesoría Xurídica da Confederación de Empresarios de Galicia engloba a xestión de toda demanda de informacion, asesoramento e dictame de carácter xurídico-legal, tanto de carácter interno como externo, e especialmente:
- Elaboración de informes sobre novidades xurídicas legais publicadas;
- Emisión de informes sobre cuestións de tipo xurídico a petición dos órganos directivos da CEG;
- Elaboración e emisión de informes sobre cuestións técnico xurídicas a petición das organizacións integrantes da entidade;
- Elaboración de informes sobre proxectos normativos que ao efecto remiten os órganos de participación institucional nos que ten participación a CEG;
- Redacción de contratos, convenios e outros actos xurídicos de interese para a Confederación de Empresarios de Galicia;
- Confección e elaboración de documentos de traballo referidos a cuestións xurídico legais;
- Resolución de consultas de carácter legal que lle sexan formuladas por organizacións integradas. Igualmente atenderánse consultas de organizacións non integradas previo visto bo da Secretaría Xeral;
- Elaboración de informes e dictames que no proceso de elaboración de disposicións normativas remitan as distintas administracións públicas de Galicia, así como os distintos entes de carácter institucional ou instrumental;
- Emisión de informes, alegacións ou opinións legais sobre os proxectos normativos que se sometan á súa consideración;
- Realización do compendio de disposicións normativas de interese para o ámbito empresarial.
A actividade da Asesoría Xurídica da CEG, polo carácter da organización, engloba unha actuación variada e multidireccional que abarca desde as consultas sinxelas relacionadas co asesoramento legal dos asociados ata a confección e elaboración de documentos e propostas de traballo relacionadas co ámbito empresarial.
A solicitude de información ou asesoramento pode chegar ao departamento de Asesoría Xurídica polas vías habituais; a través dos órganos de dirección da CEG; dos distintos órganos que integran a Confederación; ou daqueles entes e organismos públicos dos que a entidade forma parte como organización empresarial intersectorial máis representativa.
Se queres formular a túa consulta por escrito, cubre o seguinte formulario e recibirás a resposta no teu email á maior brevidade posible.
