Facturación electrónica y morosidad - 7/5/2024

A Confederación de Empresarios de Galicia organiza xornada informativa sobre Facturación electrónica e outras novidades nos pagos das operacións comerciais, no marco da nosa pertenza á Enterprise Europe Network e que terá lugar o vindeiro martes 7 de maio na nosa sede en Santiago.

A Comisión Europea traballa intensamente promovendo o uso da factura electrónica, co obxectivo de simplificar e unificar o proceso de facturación e intercambio, a eficiencia e promover a sustenbilidade nas transaccións comerciais, ademais traballa nun novo regulamento contra a morosidade, co obxectivo de mellorar a disciplina de pagamento de tódolos axentes afectados e protexe-las empresas dos efectos negativos dos atrasos nos pagamentos nas operacións comerciais.

Con intención de abordar todas estas cuestións contaremos con relevantes e destacados relatores que facilitarán información útil e imprescindible para unha mellor adaptación das pemes da nosa rexión, así como evitar posibles sanción ante as novas obrigas fiscais e económicas en materia de facturación electrónica (regulamento Verif*factu), os novos procedementos de pagamento que desenvolverá a lei e crece, así como a próxima aprobación de medidas para reducir a morosidade nas operacións comerciais.