O Instituto de Gobernanza Empresarial (IGE), en colaboración coa Confederación de Empresarios de Galicia (CEG), presentan, en Compostela, a segunda edición do programa "Acreditación Internacional en Consellos de Administración e Bo Goberno" en Galicia.
Dende a CEG explican que "este programa é froito do convenio de colaboración, asinado o ano pasado entre ambas as entidades, que ten como obxectivo establecer un marco de accións conxuntas en relación coa gobernanza empresarial, para impulsar a profesionalización da toma de decisións nos órganos de goberno das empresas galegas como ferramenta para garantir a súa sustentabilidade e difundir as mellores prácticas".
Deste xeito, lembran que "Compostela converteuse na cuarta cidade española onde se imparte o programa de desenvolvemento profesional, que xa conta con 25 edicións, celebrándose tamén actualmente en Madrid, Valencia, Zaragoza, Sevilla e Barcelona e na que participan relatoras de primeiro nivel recoñecidos a nivel nacional e internacional".
O programa está destinado a membros de consellos de administración, consellos de familia e a alta dirección das empresas, facendo especial fincapé na empresa familiar e as PEMES.
No encontro desta mañá, na sede da CEG, o IGE organizou unha mesa redonda, baixo o título "Gobernanza empresarial e o seu impacto na conta de resultados".
Os protagonistas do evento foron o director territorial en ENCE, Antonio Casal Lago; a CEO de Campomayor, María Caridade García Busto; a directora corporativa de EiDF solar, María José Herbón Prada; e o vicepresidente senior de TK Elevator, Javier Sesma Sanchez; quen arroxaron luz sobre os diferentes modelos de bo goberno empresarial como factor de éxito na sustentabilidade, perdurabilidad e competitividade das empresas e os seus grupos de interese. Esta mesa de debate foi moderada pola presidenta en Grupo Atlante e coordinadora do Instituto de Gobernanza Empresarial (IGE) Galicia, Maite Valiño.
Dende IGE Galicia inciden en que "con estes encontros, pretendemos dar a coñecer, compartir e adaptar os modelos de gobernanza a diferentes sectores, tamaños de empresa, ámbitos de madurez, retos e obxectivos esperados".
A apertura da segunda edición do programa "Acreditación Internacional en Consellos de Administración e Bo Goberno" en Galicia terá lugar o 6 de xuño 2024.
Máis información: info@igobernanzaempresarial.com
