Home > Agenda > I Xornada Técnica CGC-CEG sobre Competencia e Contratación Pública – 12/11/2026

I Xornada Técnica CGC-CEG sobre Competencia e Contratación Pública – 12/11/2026

CEG

A PROHIBICIÓN DE CONTRATAR POR INFRACCIÓNS DE COMPETENCIA E OS PROGRAMAS DE CUMPRIMENTO COMO MECANISMO DE REHABILITACIÓN

A defensa da competencia é un pilar esencial para garantir a eficiencia do gasto público e a igualdade de oportunidades na contratación pública. As infraccións en materia de competencia – especialmente os acordos colusorios en licitacións públicas – poden levar, ademais da correspondente sanción administrativa, á prohibición de contratar co sector público de acordo coa Lei 9/2017 sobre Contratos do Sector Público.

A prohibición da contratación constitúe un instrumento de especial intensidade na protección da integridade competitiva do mercado público. A súa aplicación suscita cuestións complexas en relación coa súa natureza xurídica, alcance subxectivo, duración e proporcionalidade ou coa coordinación entre a autoridade de competencia e os organismos contratantes.

A posibilidade de levantar esta prohibición mediante a adopción de medidas correctivas efectivas (self-cleaning) previstas na Directiva 2014/24/UE suscita cuestións legais e prácticas relevantes: que estándares deben cumprir os programas de cumprimento en materia de competencia? Cal é o alcance da discrecionalidade administrativa? Como se acredita a reparación de danos?

Con esta conferencia, a Comisión de Competencia de Galicia-CGC e a Confederación de Empresarios de Galicia-CEG pretenden ofrecer un espazo para o análise técnico e o debate práctico dirixido a empresas, profesionais e responsables do cumprimento normativo.

Inscribirse

Data

Xoves, 12 de novembro de 2026

Hora

12:00h – 14:00h

Lugar

Sede da CEG
Rúa do Vilar, 54 Santiago de Compostela

Organiza