CEG

 

Reunión da CEG cos conselleiros de Economía e Facenda, e cos representantes de COOO e UGT, para coñecer o Plan de reactivación e de dinamización da Xunta de Galicia

Reunión de Diálogo Social. Foto cedida pola Consellería de Facenda

Antonio Fontenla, representante da Xunta de Vicepresidentes da CEG, participou esta tarde na reunión convocada polas consellerías de Economía e Facenda cos axentes sociais de Galicia para coñecer o Plan de Reactivación e Dinamización de 2020 da Xunta de Galicia, dotado con máis de 3.000 millóns de euros e que ten como obxectivo recuperar a actividade económica de Galicia, xerar emprego nos sectores máis golpeados polo coronavirus e fortalecer os servizos públicos.

O Goberno autonómico destinará 5 millóns para impulsar o teletraballo co obxectivo de que as pemes e os autónomos teñan a oportunidade de adaptar as súas infraestruturas tecnolóxicas así como ampliar as capacidades dos seus empresarios para poder traballar a distancia.

A Confederación de Empresarios de Galicia considera que nestes momentos é máis necesario que nunca reforzar o marco de concertación establecido no Diálogo Social o pasado 10 de decembro de 2019, e traballar cara a un pacto polo futuro de Galicia co reto de adecuar os compromisos asumidos ao novo escenario económico, laboral e social, centrado nos galegos e nas galegas, traballadores e traballadoras, que atravesan as situacións máis complicadas. 

TwitterFacebook

Usamos cookies no noso sitio web para soportar características técnicas que melloran a súa experiencia de usuario.

Tamén usamos servizos de análise e estatísticas.