Desde hoxe ás 09.00 horas ata mañá ás 19.00 horas, os vogais que forman parte da Asemblea Xeral da Confederación de Empresarios de Galicia (CEG) poderán exercer o seu voto telemático á elección á súa Presidencia.
A Asemblea Electoral, que se celebrará o vindeiro xoves -día 21 de xaneiro- de forma presencial, será a outra ocasión que teñan os votantes para exercer o seu dereito a partir das 12.00 horas en segunda convocatoria. Juan Manuel Vieites, secretario xeral de Anfaco- Cecopesca, é o único candidato que presentou a súa proposta.
