A Confederación de Empresarios de Galicia (CEG) reactiva a sexta e última das comisións de traballo internas especializadas coa posta en marcha da de Internacionalización con Eduardo Mera Cores, director xeral de Cupa Lousas, á fronte.
Concretamente a Comisión de Internacionalización –antes chamada Comisión de Relacións Internacionais- facer seguimento da política de apoio á internacionalización das empresas, así como da Política Comercial da UE con terceiros países e en propoñer iniciativas que fomenten a presenza das empresas de Galicia nos mercados exteriores. Constitúe tamén un órgano de información e órgano de consenso e posicionamento sobre as diversas actividades e iniciativas da Unión Europea.
As Comisións de Traballo internas son órganos de asesoramento á CEG que se encargan do estudo e debate dos asuntos sectoriais e de política económica e laboral cuxos criterios e análises son sometidos aos órganos reitores da Confederación e serven de base para a actuación da patronal galega. Ademais, a través das Comisións mantense a interlocución coa Administración e con diferentes organismos e entidades no relativo ás actividades e políticas que lles son propias.
Concretamente a Comisión de Internacionalización –antes chamada Comisión de Relacións Internacionais- facer seguimento da política de apoio á internacionalización das empresas, así como da Política Comercial da UE con terceiros países e en propoñer iniciativas que fomenten a presenza das empresas de Galicia nos mercados exteriores. Constitúe tamén un órgano de información e órgano de consenso e posicionamento sobre as diversas actividades e iniciativas da Unión Europea.
Xa o pasado luns, día 8 de febreiro, nas reunións dos órganos de goberno da organización empresarial galega reordenáronse e reactivado as outras cinco comisións que a asesoran e que son a de Competitividade da Empresa Galega e Fondos da Unión Europea –antiga Comisión de Economía-, con Jorge Cebreiros Arce –que preside a Confederación de Empresarios de Pontevedra- como presidente; a Comisión de Relacións Laborais, Formación e Emprego con Enrique Miguel Mallón Otero - secretario de Asime- á fronte; a Comisión de Emprendemento que comandará o tamén presidente de AJE Galicia; a Comisión de Dixitalización, Innovación e Economía Verde –antes Comisión de Competitividade, Innovación e Proxectos-, con Francisco Couso Cantos –director rexional do Noroeste de Carrefour– como presidente; e a Comisión de Infraestruturas con Manuel Jaime Martínez Rapela –ex presidente da Confederación Empresarial de Ourense ( CEO)-, e Alejandro Cruz Iglesias –vicepresidente da CEO-, como presidente e vicepresidente, respectivamente.
CV Eduardo Mera Cores
Eduardo Mera Cores é licenciado en Ciencias Económicas pola Universidade de Santiago de Compostela, Máster en Administración e Dirección de Empresas por ICADE Universidade Pontificia Comillas e Programa Alta Dirección de Empresas de IESE Business School – University of Navarra. Director Xeral de Cupa Lousas desde hai 9 anos –empresa líder mundial en lousa natural-, traballou previamente no Departamento de Administración e Finanzas de Fadesa e en Controller, división industrial de Fadesa.
A empresa Cupa Pizarras forma parte da Confederación Empresarial de Ourense (CEO) a través do Clúster da Pizarra de Galicia, entidade integrada na patronal ourensá.
