EURES Transfronteirizo Norte Portugal - Galicia
EURES (European Employment Services) é unha rede de cooperación formada pola Comisión Europea e os Servizos Públicos de Emprego dos Estados membros da Unión Europea e de Suíza, Islandia, Liechtenstein e Noruega. Esta rede foi constituída co principal obxectivo de facilitar información, asesoramento e contratación ou colocación aos traballadores, empregadores, demandantes de emprego e, en xeral, a calquera cidadán da Unión que pretenda beneficiarse do principio de libre circulación de traballadores.
Nas rexións fronteirizas como as que compoñen a Eurorrexión Galicia-Norte de Portugal e dada a transcendencia que ten a mobilidade laboral nestas áreas, organízanse “Asociacións transfronteirizas EURES” nas que participan, ademais dos servizos de emprego, outros axentes e organizacións como asociacións empresariais, sindicatos, universidades, autoridades locais, etc.
A Confederación de Empresarios de Galicia como socio do EURES Transfronteirizo Norte de Portugal-Galicia, ademais de ofrecer servizos de información, colocación e contratación; supervisa os fluxos e os obstáculos á mobilidade e responde ás necesidade de información relacionadas coa mobilidade transfronteiriza de traballadores e empresas.
CONSELLEIRA EURES-T
Os Conselleiros Eures son un persoal altamente especializado e integrados na Rede EURES. A Confederación de Empresarios de Galicia é a única organización empresarial que conta cunha Conselleira EURES en España.
A Conselleira EURES da CEG presta servizos de información e asesoramento ás empresas de Galicia en materia de mobilidade transfronteiriza.
As actividades e publicacións desenvolvidas pola CEG no marco de EURES contan co apoio financeiro do Programa Europeo de Emprego e Innovación Social ( EaSI) 2014-2020. Para máis información, por favor consulte: http://ec.europa.eu/social/easi
A información contida neste espazo, non reflicte necesariamente a posición oficial da Comisión Europea
