CEG

 

Representantes da cadena alimentaria galega, coa CEG ao fronte, esixen ao delegado do Goberno en Galicia que se traballe co sector do transporte na procura dun acordo inmediato para dar solución á súa situación insostible e evitar o colapso do suministro

Reunión co Delegado do Goberno en Galicia

Representantes da cadea alimentaria galega –con portavoces ao máis alto nivel de Estrela Galicia, Jealsa, Leite Río, Nova Pescanova, Grupo  Nogar,  Vegalsa-Eroski,  Gadisa e Asociación Galega de Fabricantes de Alimentos Compostos ( AGAFAC) presentes-, e co presidente da Confederación de Empresarios de Galicia (CEG), Juan Manuel Vieites, á fronte, esixen ao delegado do Goberno en Galicia, José Manuel Miñones, que se traballe co sector do transporte na procura dun acordo inmediato que permita dar solución á súa situación insostible e evitar en consecuencia o colapso da subministración.

Trátase dunha reunión de continuidade á celebrada o pasado xoves, día 10 de marzo, na sede compostelá da CEG, na que participaron representantes de  Lidl,  Vegalsa-Eroski,  Gadisa,  Carrefour,  Bograo, Grupo  Nogar e  AGAFAC, e na que se puxo de manifesto a gravidade extrema da situación que está a padecer España en xeral e determinadas comunidades autónomas en particular, como Galicia, por culpa das paralizacións do sector do transporte de mercadorías –#ante unha situación insostible de escalada de custos asumida polo sector durante os últimos anos e agravada durante as últimas semanas pola guerra en Ucraína- que ameaza por igual a todos os empresarios e profesionais que o integran, e que está a provocar ademais efectos devastadores noutros ámbitos da economía.

Segundo a CEG, o desabastecemento das fábricas, a rotura de cadeas de subministración, a falta de materias primas nas mesmas, o desabastecemento no comercio comerciante polo miúdo nos últimos días, e mesmo o peche de industrias e comercios, están a poñer ao país nunha conxuntura límite coa destrución do tecido produtivo e emprego que pode concluír nun estado de alarma social e profunda crise que condicionará o futuro do mesmo.
Os representantes empresariais reunidos pediron así mesmo a Miñones que tome as medidas oportunas para garantir a subministración.


Carta ao Ministerio de Transporte, Movilidad e Axenda Urbana


Mentres tanto, a organización empresarial galega tamén remitiu unha carta á titular do Ministerio de Transportes, Movilidad e Axenda Urbana, Raquel Sánchez Jiménez, para trasladarlle a súa preocupación pola situación comentada, solicitándolle que traballe igualmente co sector do transporte na procura dun acordo o máis axiña posible para dar solución á  gravísima e insostible situación do sector do transporte.

A Confederación de Empresarios de Galicia, xunto con representantes da Asociación de Industrias do Metal e Tecnoloxías Asociadas de Galicia (ASIME), da Federación Galega da Construción ( FEGACONS) e da Cooperativa de Armadores de Pesca do Porto de Vigo ( ARVI) xa celebrou o pasado xoves unha rolda de prensa para esixir ás Executivo decisións urxentes e áxiles #ante unha situación de extrema gravidade marcada por unha espiral inflacionista –liderada pola enerxía- e a falta de produtos e materias primas básicas para a industria que están  atenazando a economía da comunidade autónoma.

 

TwitterFacebook

Usamos cookies no noso sitio web para soportar características técnicas que melloran a súa experiencia de usuario.

Tamén usamos servizos de análise e estatísticas.