A Confederación de Empresarios de Galicia (CEG), no marco das actividades desenvolvidas como socios da Rede EURES-Transfronteirizo Norte de Portugal-Galicia, celebrará –ao longo deste mes de novembro-, un ciclo de Seminarios Web sobre Movilidad Transfronteiriza.
A actividade arrincará o próximo día 12 co seminario “Negociación colectiva e aplicación de convenios ás relacións laborais en Portugal”, que se desenvolverá entre as 10.00 e as 11.30 horas, e que pretende dar a coñecer aos asistentes o funcionamento da negociación colectiva en Portugal, desde a perspectiva da empresa; ademais de abordar a importancia dos convenios colectivos na regulación das relacións laborais en Portugal e a forma en que estes se relacionan coas demais fontes de dereito laboral; de explicar as regras de aplicación dos convenios colectivos de traballo; e de expoñer as obrigacións de información adicional aos traballadores enviados a outro Estado membro da Unión Europea derivadas da Directiva 2019/1152.
Con “Cuestións crave e novidades en materia fiscal no ámbito da mobilidade laboral transfronteiriza España-Portugal” continuarase o ciclo o día 17 de novembro, entre as 10 e as 11.30 horas. Neste seminario, daranse a coñecer os aspectos fiscais clave a ter en conta no desprazamento de traballadores entre España e Portugal; as implicacións fiscais da obtención da residencia fiscal portuguesa; as obrigacións fiscais en España e Portugal das entidades empregadoras e dos traballadores desprazados, así como eventuais réximes especiais ou beneficios fiscais que adoitan aplicarse nas devanditas situacións. Tamén se expoñerán as últimas novidades fiscais, doctrinales e xurisprudenciais relevantes en materia de mobilidade laboral transfronteiriza e as implicacións fiscais que se poden producir con motivo da pandemia e a implantación do teletraballo.
O día 19 de novembro de 09.30 a 12.30 horas celebrarase o terceiro seminario do ciclo, que leva por título “Movilidad e servizos na Unión Europea”. No mesmo abordarase o novo marco que vén para o desprazamento de traballadores, tanto en xeral como as especificidades para as empresas e traballadores do transporte. Tamén se expoñerá o estado dos traballos e as liñas de acción que desde Bruxelas están a deseñar para dar resposta á transformación dixital que está a modificar notablemente a prestación de servizos e a súa repercusión na mobilidade física ou virtual tanto de empresas como de traballadores.
Por último, o día 25 deste mes, de 10.00 a 11.30 horas, pecharase o ciclo co seminario “Novidades en materia de teletraballo e igualdade en España e Portugal: particularidades transfronteirizas”. Nesta actividade serán analizados, desde unha perspectiva ibérica, os principais cambios que, en España e en Portugal, froito do contexto de pandemia e de importantes reformas lexislativas verificadas nos últimos anos, afectaron ás normas aplicables ao teletraballo e ás cuestións de igualdade e inclusión.
INSCRICIÓN
Os coloquios celebraranse a través da aplicación ZOOM e serán gratuítos para os asistentes, grazas ao financiamento principal da Comisión Europea e da CEG. Para participar, será necesario inscribirse individualmente en cada un deles, podendo facerse na páxina do BLOGUE EURES CEG
