CEG

 

A CEG avoga por unha maior coordinación entre o sector sanitario público e o privado, porque son complementarios e suman

De esquerda a dereita: Manuel López Pardo, xerente de Ahosgal, José Ignacio Vidal, presidente de Ahosgal, Juan Manuel Vieites, presidente da CEG, Carlos Paz, director territorial do Grupo Quirónsalud en Galicia, Rafael Silva, director de relacións institucionais do grupo HM en Galicia; Javier Atanes, xerente de Ribera, Juan Cardona e Ribera Polusa.

 

O presidente da Confederación de Empresarios de Galicia (CEG), Juan Vieites, mantivo unha reunión coa Asociación de Hospitais de Galicia (Ahosgal), na que lle trasladaron a actualidade e as preocupacións do sector sanitario privado en Galicia.

Vieites subliña que os hospitais privados galegos teñen un "peso específico no sector sanitario" e avoga por unha maior coordinación co sector público, porque son complementarios. "Trátase de sumar e non de restar".

Ambas as dúas entidades coinciden en seguir defendendo a colaboración público-privada como unha estratexia esencial para "garantir a sustentabilidade do sistema sanitario" e alcanzar unha prestación de calidade. Tamén sinalaron que a sanidade de xestión privada contribúe a desconxestionar a atención sanitaria, sobre todo en situacións de "colapso", como a que se rexistra actualmente pola alta demanda dos cidadáns tras a pandemia do Covid-19.

Por iso, expresaron a súa preocupación por iniciativas como a Lei de Equidade, que pretende reducir a actividade concertada casos excepcionais, porque pon en risco a viabilidade das empresas sanitarias e prexudica directamente aos pacientes. O presidente de Ahosgal, José Ignacio Vidal, explicou que, se se reduce a concertación, "crecerán as listas de espera e a atención sanitaria perderá calidade e accesibilidade".

Durante a reunión, os representantes de Ahosgal explicaron ao presidente da CEG que a sanidade de xestión privada realiza o 26,5% da atención hospitalaria, o 24,9% das Urxencias e o 42% das resonancias magnéticas. Ademais, contan con 1.860 camas hospitalarias e 4.700 traballadores directos.

TwitterFacebook

Usamos cookies no noso sitio web para soportar características técnicas que melloran a súa experiencia de usuario.

Tamén usamos servizos de análise e estatísticas.