Refraneiro galego III: Nin arre nin xo

Serie tomando como “soporte” famosos refráns e expresións típicas de Galicia.

•    Capítulo I: Nunca choveu que non escampara
•    Capítulo II: Outra vaca no millo 
•    Capítulo III: Nin arre nin xo

Aínda que a variante máis usada é a do título, realmente a expresión completa sería: 
“Nin tanto arre que fuxa nin tanto xo que se deite”, referíndose ás formas de berrarlle ás cabalarías para empurralas ou para que se deteñan (bestas, burras, mulas, etc., é dicir, équidos que se utilizan habitualmente para ir montado neles ou como animais de tiro).

Sería o equivalente á expresión en castelán “ni tanto ni tan poco”, que, segundo o refraneiro español, refírese á necesidade de non esaxerar nunha determinada afirmación (en calquera dos sentidos), ou ao desexo de que a evolución dos acontecementos non se polarice (nin nun sentido nin no contrario).

En resumidas contas, o que ven dicir esta expresión galega é que os extremos nunca son axeitados, que o ideal é un termo medio, sen exaxerar nin por riba nin por baixo.

É un modo de recordar (e advertir) que, ás veces, unha aproximación “pendular” do pensamento ou a realidade sobre un tema concreto, fai que se pase dun extremo ao outro dun modo un tanto automático, sen un punto de equilibro que debería ter o proceso de razoamento. 

Isto tamén aplica no principio de igualdade.  En ocasións, unha mala comprensión (ou un mal uso) do principio de igualdade e non discriminación, ten levado a extremos absurdos. 

Falemos con sentidiño: nin todo o mundo é machista, nin todas as políticas de igualdade tratan de favorecer só as mulleres.

Porque a igualdade é un tema demasiado importante para que se use en disputas (como poden ser as políticas), que non teñan como obxectivo a promoción da liberdade, a convivencia, o benestar para todos e todas. 

Non é necesario “pisarlle” a igualdade a ninguén.

Se precisas apoio ou apoio técnico, podes contactar co no noso Gabinete de  Igualdade:
igualdade@ceg.es
981 555 888