Panel de pemes sobre servizos de entrega

Esta iniciativa forma parte da revisión do marco regulador dos servizos postais anunciada na Estratexia para o Mercado Único de maio de 2025. A Comisión Europea está a preparar unha nova lei de servizos de entrega da UE, que substituirá á actual normativa postal e ao regulamento sobre paquetería transfronteiriza, co obxectivo de modernizar as normas e apoiar o comercio electrónico transfronteirizo.

O cuestionario diríxese a pemes que venden bens físicos e utilizan servizos de paquetería, especialmente para envíos a outros Estados membros. A súa finalidade é coñecer a súa experiencia e posibles dificultades en aspectos como prezos, fiabilidade das entregas, seguimento, reclamacións e cooperación con operadores.

As respostas axudarán á Comisión Europea a deseñar unha normativa que mellore as condicións de entrega transfronteiriza, apoie ás pemes e garanta unha competencia leal e unha adecuada protección dos consumidores.

Participa antes do 21 de abril de 2026 a través deste cuestionario.