Keynote empresarial “Voces que inspiran” – 04/12/2025

A Confederación de Empresarios de Galicia (CEG) organiza, co patrocinio de Abanca, o Keynote empresarial “Voces que inspiran”, que se celebrará o xoves 4 de decembro de 2025, ás 11:00, no Hostal dos Reis Católicos en Santiago de Compostela.

Trátase dun espazo concibido para o diálogo aberto, a reflexión compartida e a inspiración colectiva.

Este encontro desenvolverase nunha única mesa redonda de formato áxil e aberto ao coloquio, onde líderes empresariais, referentes sectoriais e voces emerxentes serán entrevistadas e coas que nos reuniremos para intercambiar ideas e analizar xuntos os grandes retos que se perfilan para o ano 2026.

Partiremos dunha análise das cuestións cruciais que marcaron o ano 2025, co obxectivo de proxectar posibles solucións, visións e estratexias que impulsen o futuro das nosas organizacións e de Galicia.