Consulta sobre o Principio de Recoñecemento Mutuo de Mercadorías no Mercado Único da UE

O principio de recoñecemento mutuo garante que os bens comercializados legalmente nun Estado membro da Unión Europea poidan acceder ao mercado doutros Estados membros, mesmo cando non cumpran plenamente as normas técnicas nacionais do país de destino. Este principio aplícase especialmente a aqueles produtos que non están suxeitos, ou só o están parcialmente, á lexislación de harmonización da UE, con determinadas excepcións relacionadas coa seguridade pública, a saúde e a protección do ambiente.

Este cuestionario axudará á Comisión Europea a avaliar o grao de comprensión e aplicación do principio de recoñecemento mutuo de mercadorías por parte das pemes no Mercado Único da UE. Os resultados axudarán a identificar lagoas de información específicas, necesidades de apoio e oportunidades de formación.

As respostas serán completamente anónimas e utilizaranse exclusivamente no marco da avaliación continua do Regulamento (UE) 2019/515 sobre o Recoñecemento Mutuo, así como para orientar futuras accións de apoio e sensibilización.

Podes acceder ao cuestionario neste enlace | ata o 26 de xaneiro de 2026