Ciclo En liña Contratación Pública en España. Workshop 1. “Transformación dixital na contratación pública: expediente electrónico, datos abertos e IA” – 14/04/2026

Queres mellorar as túas oportunidades na contratación pública?

A CEG organiza, no marco do proxecto Bid4tenders, un ciclo en liña de 6 workshops prácticos sobre contratación pública en España durante os meses de abril, maio e xuño; dirixidos a empresas, profesionais e entidades interesadas en acceder ao mercado público.

A quen vai dirixido? A pequenas e medianas empresas que non contan con experiencia en contratación pública e desexan iniciarse neste ámbito, así como a aquelas que, tendo xa coñecementos previos, buscan perfeccionalos, amplialos e mellorar o seu posicionamento no mercado público.

Ao longo das sesións aprenderás como identificar oportunidades e participar en licitacións públicas, preparar a documentación necesaria e deseñar ofertas máis competitivas, así como xestionar de forma eficaz a execución dos contratos públicos.

Cada workshop terá 1 hora de contidos teóricos e 30 minutos de exercicios prácticos, exemplos reais e resolución de dúbidas para que poidas aplicar o aprendido de forma inmediata.

Unha oportunidade para entender mellor o sistema de contratación pública e mellorar as túas posibilidades de éxito nas licitacións.

A asistencia é gratuíta, pero é necesaria a inscrición.

Títulos dos talleres:

• Transformación dixital na contratación pública: expediente electrónico, datos abertos e IA.
• Sistemas de racionalización da contratación pública: acordos marco, sistemas dinámicos e contratación centralizada.
• As claves da preparación da documentación: administrativa, técnica e económica.
• Avaliación técnica nas licitacións: memorias, criterios e estratexia.
• A estratexia económica nas licitacións: desagregación de custos, baixas temerarias e criterios automáticos mediante fórmulas.
• Execución e riscos nos contratos públicos: revisión de prezos, modificacións, penalidades e impugnacións.

Workshop 1. “Transformación dixital na contratación pública: expediente electrónico, datos abertos e IA”
Martes, 14 de abril de 2026 | En liña

15:30h | Teoría (1h)

• Plataformas de contratación electrónica
• O expediente electrónico na administración
• Uso de datos abertos para identificar oportunidades
• Introdución ao uso de IA en análise de licitacións

16:30h | Práctica e dúbidas (30 min)

• Exploración de datos de licitacións
• Exemplo de uso de ferramentas dixitais
• Resolución de dúbidas