A nova normativa de envases está lista: a túa empresa está preparada?

A recente aprobación do Regulamento europeo de envases e residuos de envases en decembro de 2024, veu a sumar novas obrigacións legais ás xa existentes que requiren de adaptacións importantes nos procesos produtivos e loxísticos das empresas.

Nesta xornada debullaremos os aspectos clave da normativa e o seu impacto nas empresas. A través da participación de profesionais e de representantes de sectores estratéxicos, coñeceremos as mellores prácticas e experiencias para afrontar os desafíos e para identificar oportunidades de negocio máis sostibles que permitan abordar con éxito a implementación das novas normas. 

É a terceira das actividades enmarcadas no programa “Transformación sostible: ciclo de xornadas para empresas competitivas”.

A asistencia é gratuita previa inscrición no formulario ao final da páxina.