A Xunta Directiva da Confederación Española de Organizaciones Empresariales (CEOE) aprobou esta mañá a incorporación do presidente da Confederación de Empresarios de Galicia (CEG), Juan Manuel Vieites, ao Comité Executivo da patronal española.
Esta aprobación prodúcese tras a designación directa do cargo por parte do presidente de CEOE, Antonio Garamendi, e substitúe no mesmo a Antonio Fontenla Ramil, representante da Xunta de Vicepresidentes da CEG ata o pasado día 20 de xaneiro.
