A Confederación de Empresarios de Galicia (CEG) solicita ao Executivo que reconsidere a decisión de situar en Martorell (Barcelona) a primeira fábrica de baterías para vehículos eléctricos de España permitindo a todas as CCAA competir en igualdade de condicións por este proxecto.
Para a patronal galega esta actuación supón un cambio das regras do xogo inasumible, xa que por unha banda comprometeuse un proxecto antes da propia convocatoria de axudas do programa Next Generation e por outro sen estar fixados aínda os criterios para definilos.
Así as cousas, a CEG lembra que unha das áreas máis competitivas de Europa no sector da automoción está en Vigo, que alberga a fábrica de automoción máis produtiva de España e que xa monta coches eléctricos. Neste sentido, a través da fábrica PSA-Vigo e os seus compoñentes, Galicia tería unha candidatura moi solvente para optar a un proxecto destas características.
