O asesor da Confederación de Empresarios de Galicia, José Manuel Maceira, participou hoxe no Foro "As pensións que veñen", organizado por La Voz de Galicia, La Voz de Asturias, Sabadell Gallego e Sabadell Pensións, xunto con outros expertos.
España será o país máis envellecido de Europa no 2050 e o actual sistema de pensións require reformas urxentes para poder ser sostible. Catro especialistas na materia procedentes de distintas organizacións analizan de onde vimos e cara a onde debemos ir.
Pola súa banda, José Manuel Maceira, que reflexionou desde o punto de vista empresarial, apuntou que o que está claro é que a revisión do sistema pasa por solucións que non impliquen un aumento dos custos laborais das empresas, debendo actuar sobre os gastos, máxime nun contexto de pandemia.
Para a patronal galega, está claro que hai que alixeirar a carga para que as pemes poidan sobrevivir primeiro e máis tarde, con estímulos, volver xerar riqueza e emprego. Por iso a redución dos incentivos fiscais aos plans de pensións individuais no 2021 é un erro porque penaliza aos aforros de quen fixera unha estratexia a longo prazo.
O experto da CEG sinalou ademais que moitos profesionais e empresas non son capaces de ser regulares nas achegas, así que os límites anuais poden ser excesivos nalgúns exercicios e ser verdadeiramente baixos para outros.
Podes visualizar o foro completo na seguinte ligazón.
