Benvida do Presidente

Estimados empresarios e empresarias de Galicia, 

A Confederación de Empresarios de Galicia (CEG) é unha organización que, desde a súa fundación no ano 1981, traballa incansablemente na defensa dos intereses do noso tecido empresarial cunha vocación clara: impulsar o desenvolvemento económico, fortalecer a competitividade das nosas empresas e contribuír activamente ao progreso da nosa Comunidade. 

A CEG é o punto de encontro de emprendedores, profesionais e empresas que, con esforzo e visión, constrúen o futuro de Galicia. Representamos aos empresarios #ante as administracións públicas e outras entidades, promovendo políticas que favorezan a innovación, o investimento e o crecemento sostible. Cremos na importancia da colaboración e o diálogo para xerar oportunidades e fortalecer a contorna empresarial. 

É esencial o papel da CEG, e por tanto das empresas de Galicia, no diálogo social, tanto no estatal, a través de CEOE, como no autonómico. Tamén na configuración das relacións laborais en Galicia e por tanto na negociación colectiva e na elaboración das políticas públicas, como interlocutor privilexiado.

Debe xogar tamén un papel central na defensa e promoción da empresa. É clave que a sociedade coñeza aos empresarios e empresarias, o seu labor e contribución imprescindible ao avance social e á mellora das condicións de vida.

O noso labor esténdese a numerosos ámbitos estratéxicos: desde o apoio á internacionalización de empresas ata a formación e o impulso de novas tecnoloxías. Estamos comprometidos coa mellora da competitividade, o desenvolvemento de talento e a consolidación de Galicia como un referente no panorama económico nacional e internacional. 

Hoxe máis que nunca, a unidade e o compromiso empresarial son clave para afrontar os retos do presente e as oportunidades do futuro. Desde a CEG, reafirmamos a nosa vocación de servizo e o noso desexo de seguir sendo un piar fundamental para o crecemento e éxito das empresas. 

Convídolles a formar parte activa desta comunidade empresarial, a compartir ideas, a achegar talento e a sumar esforzos para construír unha Galicia máis forte e próspera. A Confederación seguirá traballando con dedicación e entusiasmo para representarlles, apoiarlles e fomentar o espírito emprendedor que nos caracteriza. 

Juan Manuel Vieites Baptista de Sousa

Presidente da Confederación de Empresarios de Galicia (CEG)